حاجة تغيظ

حاجة تغيظ

وعجبي إيهاب محروس   7:58:00 م

حاجة تغيظ

في السوبر ماركت وأنا بتجول لاقيت علي الرف كيس أبيض جواه حاجة بيضاء ياتري فيه إيه ؟
قول إنت بقي فيه إيه ؟
فيه ملح صيني
بلد نصف محيطها يطل علي البحار ونستورد ملح صيني
بالله عليكم مش دي حاجة تغيظ

حاجة تجنن

حاجة تجنن

وعجبي إيهاب محروس   7:55:00 م

حاجة تجنن

في كتب التاريخ نقرأ أن الغرب الحاقد شن حملته الاستعمارية للدول العربية والإسلامية لسرقة كنوزها وخيراتها و هذا صحيح ولكن حين أقرأ أننا تحررنا ومنذ أكثر من 58 سنة يحكمنا راجل مننننننننا ومنذ أكثر من 37 سنة عايشين في الظل لا بنهش ولا بنش لم نخض حربا منذ 37 سنة منذ حرب أكتوبر عام 73 أتسائل هيا فين الخيرات والكنوز اللي كان الغرب الحاقد بيسرقها
تقريبا كنا ظالمينهم دول كانوا بيصرفوا علينا ، نعم كانوا محتلينا عشان يصرفوا علينا ، وهذا احتمال بعيد جدا ، الاحتمال الاقرب إن كل اللي حصل هو إن الحرامي اتغير بس


كما قال المغني فالفقر عليك هو المكتوب ياولدي
الفقر عليك هو المكتوب ياولدي

عمروش الحدء

عمروش الحدء

وعجبي إيهاب محروس   7:41:00 ص

 عمروش الحدء!!

الحاج عمروش رجل طيب وكان زمان بيرتاد قهوة برعي وكان هناك في قهوة برعي له ناس وأصحاب وكانت الناس والاصحاب بتحب الحاج عمروش ، كلامه خفيف وبسيط وبيشجع اللي حواليه وبيأخذ بأيديهم ويجعلهم يشعرون أنهم تمام ، بل تمام التمام ، وبعد فترة إنقطع الحاج عمروش عن قهوة برعي شهر شهرين سنة سنتين وبعد فترة من غير إحم ولا دستور رجع عمروش قهوة برعي تاني ورجع عمروش يدور علي شلته وأصحابه بتوع زمان ، ولأن الزمان دائم التغيير وعمروش وأصحابه كما هم بلا أي تغيير أو تعديل إخترع عمروش ألقاب جديدة وأسماء فريدة وبعدما كانت من شلتة الآنسة سعيدة أًصبحت المجددة الرشيدة ، يا تري هل ينجح عمروش في رجوع القهوة تاني زي زمان ؟
أم إن القهوة اتغيرت وتحتاج إلي تغيير حقيقي مش مجرد حبشتكنات بصراحة مش عارف ، بس لازم اللي يروح قهوة برعي يقول لنا حصل إيه

الدعوة علي طريقة أبو لمعة

الدعوة علي طريقة أبو لمعة

وعجبي إيهاب محروس   4:25:00 ص

الدعوة علي طريقة أبو لمعة

ماذا فعل أبو لمعة مع الأعداء ركب مركب وسافر بها إلي الاعداء وفجأة وجد جنود الاعداء بتقذفه بالقنابل راح كاتب علي المركب غواصة راحت غاطسة علي طول ولإنه كتب بالطبراشير أول ما الطباشير اتمسح راحت طافية علي وجه الماء ثانية ومن أراد أن يتابع ماذا فعل أبو لمعة فهذا رابط بالمسلسل الكامل لساعة لقلبك ملفات صوتية mp3

http://www.4shared.com/file/4j_pzm3b/___online.html


أما موضوع الدعوة علي طريقة أبو لمعة فهي يقوم أي داعية بعمل أي برنامج ويسمي المشاركين فيه مجددون، يصبحوا مجددين علي طول وفي البرنامج اللي يليه يعمل برنامج ويسمي المشاركين فيه علماء ذرة وخبراء اقتصاد وهكذا تلك هي الدعوة علي طريقة أبو لمعة
الخوف بقي ليظهر لنا الدعوة علي طريقة الخواجة بيجو ربنا يستر

خذ وسدد علي 10 سنوات

خذ وسدد علي 10 سنوات

وعجبي إيهاب محروس   2:51:00 م

خذ و سدد علي 10 سنوات

هذا عنوان القرض الذي تروج له كل البنوك هذه الأيام ، ولكنه هل هو قرض لشقة أو سيارة لا ، لقد انتهت تلك القروض المزعجة
إنه قرض لشراء كيلو لحمة تأكله اليوم وتسدد علي عشر سنوات
ولكن غداً ماذا آكل عليك أن تتقدم للحصول علي قرض آخر لغداً ولكن متي ستسدد تلك القروض هذا لا يعني البنك ولا يعني أي أحد طالما الناس مبسوطة الحكومة مبسوطة لإن البنك حل أزمة الغلاء الفاحش ، والبنك مبسوط أهو هناك أرباح تتحقق من الربا ( لو حصلوا الفلوس ) والجزارين مبسوطة لأنها بتبيع الهبل في الجبل ، والكل مبسوط
وأنت أكيد مبسوط ، مش ها تأكل لحمة من بتعات القرض هيص ياعم
رأيي يخلو عنوان القرض كل وسدد علي 10 سنوات