الرئيس القادم - نسخة كاملة للتحميل
هنا رابط النسخة الكاملة من
الرئيس القادم للمحروسة للتحميل
http://www.4shared.com/file/81548742/cbbc3f45/___online.html
الرئيس القادم للمحروسة للتحميل
http://www.4shared.com/file/81548742/cbbc3f45/___online.html
إظهار الرسائل ذات التسميات الرئيس القادم للمحروسة. إظهار كافة الرسائل
إظهار الرسائل ذات التسميات الرئيس القادم للمحروسة. إظهار كافة الرسائل
الثلاثاء، 20 يناير 2009
الرئيس القادم للمحروسة - 14
...
وخرج من كل شارع وحارة
رجال كثير عظماء
وخرج من كل شارع وحارة
رجال كثير عظماء
ونساء أيضاً عظيمات
مصرين علي إنهم
يرجعوا ملكهم
بالجهد
وبالكد والتعب
والعمل والنصب
لازم يرجعوا الأمجاد
ودي كانت قصة المحروسة
وكان رئيسها الجديد
ابن بلد
راجل شديد وعنيد
أقسم
بصوت عالي مسموع
لن يُفرط في شبر من أرضها
ولو هيموت من الجوع
وإنه في حبها
متيم وقلبه موجوع
وعندها هتف الجميع
يعيش الرئيس القادم
اللي لأهلنا خادم
ولأجل الوطن
وحبه ونهضته
اتحد الجميع
وكان كل ماتحتاجه المحروسة
رئيس جديد قادم
يكون لها خادم
....
20 -01-2009
القاهرة – مدينة نصر
إيهاب محروس
Email: royalgroup.fa@gmail.com
Blog: http://s4change.blogspot.com/
الرئيس القادم للمحروسة - 13
...
ومر من الزمن أسبوع
ومر من الزمن أسبوع
كل اللي عرفوه
إنهم من سلالة عريقة
وإن جدودهم كانوا ملوك الزمان
وأتفقوا فيما بينهم
علي أن يرجعوا ملكهم
الرئيس القادم للمحروسة - 12
....
وفي الغد نزل من كل بيت أكابر من فيه
وتجمعوا في القهوة اللي فيه
وفي الغد نزل من كل بيت أكابر من فيه
وتجمعوا في القهوة اللي فيه
وقالوا نرشح من بينا راجل ونجعله علينا أمير
بأمره نأتمر
وهو فينا الكبير
وإحنا في ظروف صعبة
والاختلاف بينا
هيزود الأحزان
والآلام
ومش بعيد يكون بجوارنا
حد من اللئام
يستغل الفرصة
ويهجم علينا هو كمان
وفي كل شارع وكل حارة
كان فيه واحد كبير
يرجع إليه الأمر
الرئيس القادم للمحروسة - 11
...
رجع الناس إلي منازلهم
رجع الناس إلي منازلهم
علي أن يكملوا البحث
البحث عن الذات في اليوم التالي
ولكنهم في هذا المساء
قد جلس كل رجل مع من وجدهم في نفس البيت
وقال مادمنا نحن هنا
في نفس المكان
أكيد في رابط بينا
رابط يجمعنا
أكيد إحنا أقارب أو أخوات
واتفق الجميع علي ذلك
وجعل كل منزل
أكبر من فيه
هو المسؤول اللي فيه
وهو بمثابة الأب الروحي
علي ما يعرفوا أكثر في الغد
الرئيس القادم للمحروسة - 10
وفي وسط الزحام الشديد
وبعد جهاد شديد
رأوا الناس في الشوراع من بعيد
أشياء جميلة وعظيمة
وعظيمة وفخيمة
مثلا رأوا تمثال كبير
الرأس رأس رجل
ولكن الجسم جسم أسد
وبجوار هذا التمثال الكبير ثلاث مبان كبيرة
كبيرة وعظيمة
طالما الاشياء هذه موجوده
يبقي إحنا اللي أنشئناها
وكل ما يمروا في الشوراع والميادين
يجدوا أشياء مبهرة
ربما كانوا من فرط إعتيادهم عليها في الماضي
لم يكن يروها
ولكن اليوم
اليوم يروها
يروها بإكبار وإجلال
وأخذت تتعاظم في نفوسهم
حقيقة الذات
وأنتابهم الفخر
حين رأوا يمر بجوارهم النهر
نهر كبير عظيم
ربما كان أكبر أنهار الدنيا
لا يوجد من الأنهار مثله إلا الذي في مصر ويسمي بالنيل
رجع الناس ذلك اليوم
علي أن يكملوا في الغد المشوار
مشوار البحث عن الذات
الرئيس القادم للمحروسة - 9
خرج الناس مجردين من الذكريات
من البرمجة والبرامج اللي حافظينها
وكان عليهم أن يتعرفوا علي أنفسهم من جديد
...
ولكن بقي لكل واحد شيئين
الفطرة التي فطر عليها
والعادة الخفية
إذ العادة الخفية لم تذهب مع الذاكرة
...
نرجع لشرناح ابن برناح
شرناح وجد نفسه
بيمسك التليفون
وبيضرب ثلاث أرقام
والأرقام هي:
911
هو لا يعرف ما هي قصة هذه الأرقام
ولكنه مارس عادته الخفيه
أما المستشار الخاص عبده البصباص
فكان في ردائه جهاز
جهاز حساس
بيسجل حتي الأنفاس
وبيرسل من الجهاز إشارات
وعزوز هو وقـُفه راحوا ...
...
الناس ماشية في الشارع مستغربة
مش عارفه هيه مين
وفي الشارع كان فيه ناس لابسة بدل بيضاء
مش عارفه هيه ليه لابسة بدل بيضاء
ومعاها كمان سلاح
طيب هما ليه معاهم سلاح
وكل لما يعدي حد بجانبهم
يقولوا تمام يافندم
أي حد يعدي
يقولوا تمام يا أفندم
الرئيس القادم للمحروسة - 8
وبعد مضي
55 دقيقة
55 دقيقة
كانت المحروسة غارقة
في بحار من النسيان
في بحار من النسيان
فلم يعد أحد يتذكر شيئ
من هو ؟
لا يعلم
وخرجت الناس من البيوت والمنازل
بعدما علم كل واحد البيت اللي خرج منه بعلامة
حتي يتذكره إذا أراد العودة
خرجوا جماهير غفيرة
في أعداد كبيرة
يبحثون في الشوراع والميادين
عن هويتهم
من هم ؟
سؤال
مجرد سؤال
لأ
مش مجرد سؤال
هذا سؤال خطير
ولكن مع خطورته لم يكن أحداً أبداً يفكر فيه
من أنا
ما هي هويتي
وما هي قضيتي
وماهي أهميتي
...
الرئيس القادم للمحروسة - 7
في غضون دقائق
كان أصاب الجميع
حالة من الغثيان
كان أصاب الجميع
حالة من الغثيان
والقيئ كمان
وبعد لحظات
توقف القيئ
والكحة والعطاس
واسترد الجميع الأنفاس
ولكن حصل لهم حاجه غريبة
غريبة عجيبة
لقد أصابهم النسيان
فلم يعد أحد يتذكر أي شيء
لم يعد يتذكر أي منهم أي شيئ
وفجأة سأل شرناح ابن برناح
اللي حواليه
أنتوا مين
قال عبده أنتوا اللي مين
وقال عزوز أنتوا مين
وهكذا
كل اللي يأتي عليه الدور يسأل في دهشة وإنبهار
وفي هذه الفترة الوجيزة
كانت انتشرت السحابة
فوق المحروسة كلها
من شرقها لغربها
ومن شمالها لجنوبها
وانا رأيي اللي لسه لم يشعر بالكحة والعطاس
فلا يخرج في الشارع في هذه الأثناء
حتي لا تصيبه السحابة
الرئيس القادم للمحروسة - 6
مرت أيام
وشهور وأعوام
وسنين طويلة
طويلة وبخيلة
بخيلة وثقيلة
المهم مرت
وكبر المحروس
قصدي عزوز الكلبوز
وفي يوم من الأيام
كان ماشي عزوز الكلبوز
ومعاه صديقه العزيز اللصيق
عبده قـُفه
وكان قـُفه قصير
وله ودنين إثنين
طبعا ماهو قـُفه
وخرجوا بره في الجنينه
جنينة
ومرت سحابة
سحابة صيف كذابة
نظر إليها عزوز
ومعاه نظركذلك الأخ قـُفه صحبه العزيز
وفجأة وبدون مقدمات
نزل من السحابة رزاز
ومن الرزاز أصابهما الكحة والعطاس
وفي هذه الأثناء
خرج الرئيس شرناح بن برناح
وزوجته الملكة أشجان
وخرج الألعوبان عبده كمان
فأصابت منهم السحابة
وفي لحظة زمن بسيطة كان الكل بيكح ويعطس
وفي غضون دقائق
....
ياتري ماذا حدث في غضون دقائق
.....
....
؟
؟
؟
الرئيس القادم للمحروسة -5
قال لعبده البلاص قصدي البصباص
انا عندي فكرة
قال له عبده قول يامولاي
قال له الملك شرناح ابن برناح
إيه رأيك لو اتفقنا مع الامريكان
إنه لا قدر الله لو مت مثلا لا قدر الله
عن طريق أي خطأ
مثلاً تأخر الحبوب الزرقاء قصدي الخضراء بتاعت الخلود
أو إنها جاءت مغلوطة مش مظبوطة
إنهم يعطوها من بعدي لابني
إبنك
أيوه إبني عزوز الكلبوز
عبده البصباص :بس يامولاي الأمير لسه صغير
طيب ها نعمل إيه ؟ الرئيس :
عبده: إيه رأيك يامولاي نطلب منهم يعطو لعزوز الكلبوز حبوب خضراء فاتح ماللي بتكبر بسرعة
وبكده يامولاي حضرتك وسعادتك تضمن قبل ما يحصل غلط
وتموت ويحصل لغط
إن عزوز هيفوز بالحبوب الزرقاء قصدي الخضراء الغامق بتاعت الخلود
الرئيس : فكرة حلوه ياواد ياعبده
عبده: خدامك أنا
تُري ماذا سيحدث للمحروسة وللرئيس شرناح ولعزوز الكلبوز و....
الأحد، 18 يناير 2009
الرئيس القادم للمحروسة - 4
في هذا اليوم بالذات كان هناك أحداث كثيرة غريبة عجيبة
كان الرئيس شرناح ابن برناح مش مرتاح
استدعي المستشار الخاص عبده البصباص
قال له ياعبده أنا خايف
قال له خايف من إيه يامولاي
قال له إفرض الأمريكان أعطوني حبوب زرقاء قصدي خضراء مغشوشة
قال له مايقدروش
ساعتها ارتاح الرئيس شرناح ابن برناح
وبعد برهة من الزمان
جه ننوص عينه ابن ابوه
كوتو موتو
وكان بيلعب بالكورة وفي أيده مصاصة
وقال الننوص في براءة الاطفال
أمتي يابابا تموت عشان أحكم أنا بقي
وآكل مصاصات كثيرة
هنا قفزت في رأس الرئيس شرناح ابن برناح الفكرة
واستدعي مستشاره الخاص عبده البصباص
وعبده البصباص كان اسمه عبده بلاص
ولكن لما اتقرب من الرئيس قالوا اسمه لا يصلح للخدمة كيف يبقي المستشار الخاص ويبقي اسمه عبده بلاص
قالوا نخليه عبده بصباص
قال إيه يعني واد مخلص
فقال إيه لعبده البلاص قصدي البصباص
هذا ما سنقوله حالاً ......
.....
الرئيس القادم للمحروسة -3
صباح الخير يامحروسة
أهو صباح
متي منك نرتاح
...
هذا كان صباح الرئيس شرناح ابن برناح
وفي يوم من الأيام جلس الرئيس شرناح ابن برناح في قلعته الحصينة في درب التينة
وجلس معاه المستشار الخاص
عبده البصباص
لاحظنا فيما مضي إن الوزراء كلهم لازم يبدأ اسمهم بعبده
وهذا كان قانون في المحروسة
لازم كله يبقي عبده
أذ ظن شرناح ابن برناح إنه آله
وكل يوم يمر دون إنكار تترسخ فكرته
إن الملك ده لعبته
...
المهم في هذا اليوم قال للمستشار الخاص
أنا خايف ياعبده إن الرئيس الامريكاني ما يعطنيش الحبوب الزرقاء
قصدي الخضرة بتاعت الخلود
هنا هرش عبده في قرعته
وقال بصوت عالي في نبرته
ما يقدرش
أطمأن الرئيس شرناح لهذا الكلام التحليلي المنطقي
إن الرئيس الامريكي لا يستطيع أن يمنع الحبوب الزرقاء قصدي الخضراء
ومر هذا اليوم
وكل يوم
زي اليوم اللي قبله
يستيقظ الرئيس شرناح لا يهمه إلا الحبوب الزرقاء قصدي الخضراء
ولا يجلس الا للمستشار الهمام أبو المفهومية
اللي يقول له ما يقدرش
ومرت كام وحدة زمنية علي هذا الحال
لحد ما في يوم ...
الرئيس القادم للمحروسة - 2
الخطة الخبيسة للحكومة الخسيسة
علمت الحكومة الامريكية إن إكسير الخلود
خطر جداً
إذ من يتعاطاه يتحول لديكتاتور
لذا قررت أن تخفف إكسير الخلود
وجعلت منه تابليت (حبوب) تعطي حياة سنوية
بحيث من يتناول حبوب الخلود
يحتاج كل عام لحباية أو قرص منه
كما قررت الحكومة الخبيثة أن تعطي هذه الحبوب بحرص وحساب لمن يحققون مصالحها
كما قررت عدم تعاطي أي أحد من رؤسائها أو مسؤليها لهذه الحبوب
....
هي وبعدين
...
هنا وقع الاختيار علي المحروسة التي تأخذ عقد وكالة للمصالح في المنطقة
...
في سنة
Xxx14
بعد الحذاء (أي ضرب الرئيس سكو بوكو توكو بالحذاء العراقو)
كان وصل عمر رئيس المحروسة
960 وحدة زمنية
منهم 360 وحدة زمنية في رئاسة المحروسة
وكان الشعب المحروس مخدوع فيه
وظن لطول عمره وطول بقاءه إنه مبارك
وهو لا مبارك ولا حاجه
بل هذا من حبوب الخلود الامريكاني
....
من هو رئيس المحروسة
هو راجل قصير وبكرش وشعره مابيطلعش
يعني أًصلع ومش مجدع
وطول البقاء حسسه بإحساس غريب
حس بأنه إله وفي طريقه للحكم تاه
ويبدو إن الجينات لعبت لعبتها
فقد حفظ تاريخ المحروسة من أزمان بعيدة
مقولة لحاكم من حكام المحروسة
قال فيه "انا ربكم الأعلي"
"وماعلمت لكم من إله غيري"
وكلام من هذا القبيل
وواضح كده من هذا الكلام أن الجدود كمان أعني جدود المحروسة
كانوا قد أدركوا حبوب الخلود
...
حكومة المحروسة
نسيت أقول اسم رئيس المحروسة
هو اسمه شرناح ابن برناح الملقب بالسفاح
وكانت حكومته كالتالي
وزير الداخلية عبده مجانص
وزير الخارجية عبده حصلت ياخوجا
وزير البترول عبده سولار
وزير المالية عبده لايمني علي الفكة
وزير الاوقاف عبده كله حلال بلال
وزير التعليم عبده يالا نجرب ياخابت ياخابت
وزير السياحة عبده مُزز
وزير الثقافة عبده هيافة
وزير التجارة عبده خصخصة (بلا وجع دماغ)
وزير الزراعة عبده سرطان
وزير الاعلام عبده شخلعني
....
الخميس، 15 يناير 2009
الرئيس القادم للمحروسة
بسم الله الرحمن الرحيم
الحمد لله والصلاة والسلام علي رسول الله سيدنا محمد بن عبد الله وعلي اله وصحبه ومن والاه اما بعد
الرئيس القادم للمحروسة
قصة من فصل واحد
واحد بس طويل
طويل قوي
الله المستعان
...............................
تدور أحداث قصتنا سنة
Xxxx15
بعد الحذاء
.............................
ومن قبل البدء أنا أحب أبين وأوضح إن القصة خيالية مش حقيقية ولو تشابه فيها أسماء أو أوصاف مع حد موجود في هذا الزمان فهو مجرد تشابه
...........................................
قصتنا ياسادة قصة بلد اسمها المحروسة
وأنا أبقي محروس مواطن من هذا البلد هاحكي لكم الحكاية من طأطأ لحد ما أطأ
أو تطأوا أنتم يعني اللي يطأ الأول
.........................
تاريخ بداية القصة
بعد
Xxxx
و 15 سنة من قصة الحذاء
طبعاً عارفينها
...................
طيب مين هيه بقي المحروسة
المحروسة لها أسماء وأوصاف كثيرة
كثيرة جداً
لأن عمرها كبير قوي قوي خالص
سنةXxxx15+7000
تخيلوا بقي بلد ده عمرها يبقي اسمها إيه ولا إيه
اسمها بلد النهر
وبلد الزهر
وبلد القهر
وفيها رقاصات ورقاصين
وفيها شيوخ ودجالين
وفيها الشخاليل
والمخابيل
بلد الشيكابيكا
والبلوتيكا
وعلي ياويكا
الله يرحمه كان راجل جدع علي يا ويكا
لا تجوز عليه إلا الرحمة
بلد المظهر
واختفي
وأزهر
بلد الألاعيب
والعندليب
والصدق
والاكاذيب
بلد الضباب
والسحاب
والثعالب والدياب
بلد الجميل
والأصيل
والكريم والبخيل
بلد الأعاجيب
و الصمت الرهيب
بلد التناحة
والبجاحة
والتفاحة ( كركررر)
والقباحة
والسياحة
بلد الفراعين
والملاعين
بلد البطولة
والرجولة
بلد الشهامة
والمجدعة
بلد الوفاء
والإخاء
المهم البلد دي هكاية
حكاية منيلة بستين نيلة
قصدي حلوة
بس حكايتها كبيرة وخايف أنسي حاجة
المهم هي البلد الخلاصة
والمياصة
هي بلد الشجاعة
والمياعة
كفاية كده في وصف المحروسة
فيها كل حاجه حسب ما أنت عايز
عايز الربا حلال موجود
عايزه حرام برضه موجود
ممكن يقلع الطربوش وتلاقيه حرام أو العكس
أهم حاجه لاتنسي البصل ويا العدس
..................
بداية القصة
محروس وهو بيلعب علي النت وجد ملفات سرية من ملفات الحكومة المخفية التي تدعي الأمريكية
والملفات بها كلام خطير
خطير قوي خالص
فيها أن الأمريكان
أكتشفوا سر الزمان
ووصلوا بلا حدود
لأكسير الخلود
وهنا لأنها ديموقراطيه
خافت يقع السلاح الخطير
سلاح الزمان
سر الخلود
يقع في أيدي حد غير آمين
مثل الإرهابيين
وخافوا أيضاً
أي يحد يتعاطاه من رؤساءها يتحول إلي طاغية
وديكتاتور
قاموا عملوا إيه
ده الله هنقول عليه حالا....
