أبو الخير... حد شافه ؟

أبو الخير... حد شافه ؟

إيهاب محروس   3:12:00 م

أبو الخير

حد شافه ..؟

مين أبو الخير ده ؟

أبو الخير ده رجل بسيط بقابله وأنا مروح من الشغل 

معاه عربية بيبيع عليها خضار وفاكهة 

اعتدت اشتري منه

 بجد راحه نفسية في التعامل معه

 أحيانا بشوفه بيبيع ايه اشتري منه مش شرط اكون عايز نفس الحاجة دي 

بنبسط في التعامل معه وأظنه يبادلني نفس الشعور

وزي ما في أبو الخير في غيره سائق تاكسي وسائق ميكروباص وسائق توكتوك

فيه عوض بتاع العطارة وفيه الولد الكاشير بتاع السوبر ماركت

وفيه كمان رجل حارس عمارة اقابله في الطريق القي عليه السلام 

وفيه الرجل بتاع السمك برده بحب اشتري منه

وهكذا ...

الحياة والسعادة عبارة عن مجموع مباهج صغيرة في تفاصيل يومك

عليك أن تنتبه لها ترعاها تحمد الله عليها

حد فيكم شاف أبو الخير ؟

إذن هي الحرب !

إذن هي الحرب !

إيهاب محروس   11:50:00 ص

 إذن هي الحرب  

إذن هي الحرب !

علي الناصية محل خضار وفاكهة وبجواره سوبر ماركت  قشطة كده؟

قشطة

 انتهي عقد الإيجار ليفاجئه المالك للمحل أنه لن يجدد له

في الجهة المقابلة محل أسماك كبير وصاحب المحل يعاني من عدم استغلاله لهذه المساحة

فاتفقا علي قسمة المحل نصفين علي أن يظل محل السمك في النصف والنصف الآخر يؤجره محل الخضار والفاكهة وتم ابلاغ المالك وتغيير العقود.

خلصت القصة؟

لا.. هتبدأ من هنا

إيجار المحل الجديد بالنسبة لبائع الخضار غالي كثيرا عن المحل السابق يعمل ايه يعمل ايه ؟

راح جايب شوية زبادي وجبنة رومي وراح مدخل شغل البقالة معاه

وسكت ؟

لأ وراح عامل تسويق علي النت وعامل جروب وآخر أخبار الخضار الطازجة والفاكهة أو أي نوع جديد من البقالة وصل حديثا

في الجهة المقابلة السوبر ماركت هيعمل ايه ؟؟؟

راح السوبر ماركت موضب المحل وعامل قسم خضار وفاكهه واضرب يا عبد العال

بعد 150 متر من موقع الأحداث الحالية هناك حرب أخري دائرة وإليكم بيانها

في سوبر ماركت شغال وناجح وكبير نسبيا في نفس العمارة الشق الثاني من العمارة راح فاتح سوبر ماركت ثاني كبير برضه بل أكبر ويُقال إنه لصاحب العمارة نفسه واضرب ياعبد الهادي

ماذا تتوقع من الأحداث السابقة ؟

وكيف تتجنب تلك الصراعات الرهيبة في مجال عملك ؟

هذه أسئلة لازم نفكر فيها لإنها يبدو ستكون أيام صعبة وربنا يعين الناس علي أمر رزقها