جحا والانتخابات

في يوم من الايام قرر جحا دخول الانتخابات الرئاسية معتمدا علي شعبيته الواسعة
وقال في نفسه  الوقت وقتك يا جحا
وفي الجهة الأخري كان عمدة البلد له رأي تاني  وكان عايز يتخلص من جحا
فرحب بجحا في الانتخابات وراح عامل له مغرز
راح مرشح أحد سكان القرية قريب الصلة من العمدة وزوج بنت أخت المحافظ  ويبقي عم رئيس الديوان ومراته تبقي قريبة الحكومة القديمة
جحا لم يهتم بكل هذه التفاصيل  وقال انا كده كده الناس بتحبني وأكيد هنجح من الجولة الأولي
ولكن إيه هو المغرز ؟
الرجل اللي اترشح ضد جحا اترشح  هو وحماره 
استغرب جحا من الحكاية دي  إزاي يقبلوا الترشيح للحمار في الانتخابات
حاول يطعن ولكن لم يستجب أحد
سكت جحا وقال كده كده الحمار هيسقط في الانتخابات هو فيه حد هيرشح حمار
وقبل النتيجة بيومين نقل راديو القرية  بأن النتائج الأولية تشير إلي تقدم الحمار علي المنافس لجحا وعلي جحا نفسه
لو كنت جحا ماذا تفعل ؟؟؟؟؟؟

اما أهل القرية فصاروا بين ناريين
يا يقبلوا الحمار رئيسا لهم  يا ينادوا علي العمدة يلغي الانتخابات ويعيشوا دون رئيس وكفاية علينا العمدة ؟
يا كده كده يجيبوا جحا ...
بس هيجبوا جحا إزاي لو الراديو قال إن الحمار كسب خاصة إن قبلها تم إعلان إن اليي هيقوله الراديو ملزم للجميع ولا توجد أي فرصة للطعن علي الراديو