مسمط المعلم حنفي
المعلم حنفي الله يكرمه صاحب المصمط كل يوم تلاقيه قاعد علي الكيس قصدي كرسي المعلمة بجوار درج النقدية وكل شوية يرفع عقيرته وينادي علي الواد شلبي والواد معاطي والواد زينهم ويأمر كل واحد بأمر شكل وأهه المصمط شغال والحمد لله وكل يوم فيه زباين صحيح الزباين مش كتير وشكلها بيتغير يعني المصمط مالوش زباين دائمين
أو الزباين الدائمين هما اللي لهم ظروف خاصة ومايعرفوش يأكلوا في حته تانية وخدوا علي الجو بتاع المعلم حنفي وخلاص
وفي يوم قام المعلم حنفي وصبيانه شلبي ومعاطي وزينهم ولقوا هناك تكسير في منطقة كبيرة قال إيه فيه مطعم هيفتح في الحتة غير المسمط بتاع المعلم حنفي
تحير المعلم حنفي قليلا وأخذ يضرب أخماس في أسداس
وبعدين قال ايه طيب ما اعمل انا كمان تطويرات في المسمط
راح حاطط في المسمط مشروبات (بوظة وبيرة وجوزة ) وحاطط تلفزيون وملبس الصبيان بتوعه جينز وقالهم يحطوا علي شعرهم جل
وعمل افتتاح جديد
وعمل يافطة جديدة وراح كاتب عليها
وعشانك بس ياغالي عملنا التغيير
ليست هناك تعليقات:
Write التعليقات