الخميس، 24 نوفمبر، 2011

من غير رموز ... صرخ الميدان


من غير رموز ... صرخ الميدان

من غير رموز

أنا مش هفية أو جبان

أو مهمش في الميدان

أنا مصر كلها بعمق الزمان

أنا مصري وقبلها أنا إنسان

من غير رموز ... صرخ الميدان

من غير رموز

أنا اللي أقول مين يحكم ومين يمشي

أنا اللي أصرخ وأقول مينفعشي

أنا اللي لما تيجي تفاوض تفاوضني

أنا اللي لما تيجي تحاور تحاورني

من غير رموز ... صرخ الميدان

من غير رموز

أعيش وروحي علي كفي ....في الميدان

أعيش وأطرد من ساحتي كل خوار جبان

أعيش وأرفض أن أساوم أو أفاوض

قبل ما كرامتي ترجع لي وتعاود

من غير رموز ... صرخ الميدان

من غير رموز

شكل واحد ...قلب واحد

هم واحد يجمعنا

صوت واحد يسمعنا

نشيد ثورتنا .. معني حريتنا

لُب قضينا

من غير رموز ... صرخ الميدان

من غير رموز

قبل ما تدخل الميدان

أخلع قناعك واترك متاعك

وامشي علي الارض الطيبة

واخفض جناحك للناس الطيبة

عن يمينك وعن شمالك

رجال كانوا أو نساء

هما دول اللي هيحموك هذا المساء

في عز البرد ..... راح تشعر بالدفا

في عز الخوف... راح تشعر بالسعادة وتنتشي

كر وفر........ راح تحميهم ويحموك

راح تشيل جريحهم ...وإن جُرحت راح يطببوك

من غير رموز ... صرخ الميدان

من غير رموز


ليست هناك تعليقات:
Write التعليقات

About Me

صورتي
إيهاب محروس
التغيير هو تجميع لجهد وعرق الكثير من الاشخاص في زمن طويل وتلك خطواتي الصغيرة نحو التغيير
عرض الملف الشخصي الكامل الخاص بي

عدد الزوار

web traffic

شركاء في التغيير

Blog Archive

قائمة المدونات الإلكترونية