الأربعاء، 17 ديسمبر 2008

قصة الحذاء العراقي-الفصل الرابع-م4


الفصل الرابع

المشهد الرابع

مع تصاعد الضغوط الدولية والاقليمية والداخلية علي الرئيس المحدوف بالحذاء

تم عقد إجتماع حضره الرئيس المحدوف بالحذاء
والسادة المستشاريين ، ورئيس CIA, ورؤساء عدة منظمات أخري مثل CSA وغيرها

كان المحور الرئيسي للاجتماع
الشريط الصوتي وتحليله
والتقرير المعد من قبل الوكالة الاستخبارات الامريكية CIA

أردف بالتقرير بعض الورقات
منها انتشار أغنية شعبية تندد بالرئيس المحدوف وأبوه

وتلك مقاطع منها :
" ... – الدح - ... إدي الواد ...
الواد لسه في اللفة وعامله زيطة وزفة
شيل الواد من الارض
الواد ده هيأخذ برد
...
إكمنه شبه أبوه "

سأل الرئيس المحدوف بالحذاء عن مصدر تلك الأغنية

أجاب رئيس CIA طبعا إحنا عارفين الاغنية دي وأمثالها بتاعت المغني الشعبي العربي اللي بيكره إسرائيل
قال الرئيس اسمه إيه الزفت ده اللي بيقول عليا عيل وإني شبه بابا

اسمه شعبان عبد الرحيم
مش ده اللي استضفته CNN
أيوه يافندم

وإيه حكاية الذئب والغنم اللي في الشريط دي

إيه المقصود منها

في جزء من الشريط بيشير إلي موضوع اسمه عندما يرعي الذئب الغنم

وده معناه إيه

كان المتحدث في الشريط المنسوب لرئيس أحد التنظيمات المعادية للولايات المتحدة ذكر هذا الكلام وذكر اسم كتاب اسمه عندما يرعي الذئب الغنم
لكاتب اسمه ... سرور

سرور

شوفوا مين سرور ده كمان اللي اسمه ورد في الشريط

تم اتصال رئيس CIA بمكتبه وقال لهم عايز استعلام حالا عن سرور صاحب عندما ترعي الذئاب الغنم

فرد عليه المسؤول عن جمع المعلومات الخاصة بحادثة الحذاء بأن لديه تقرير عنه وإنه سيرسل فاكس حالا بالتقرير

تم استقبال الفاكس

وقرأه السيد مدير وكالة الاستخبارات الاميريكة بأنه

اسم صاحب الكتاب اللي استشهد به الرجل الاول في التنظيم المعادي

هو فتحي سرور عربي الجنسية كان محامي

ثم تدرج في عدة مناصب منها وزير التعليم ببلد عربي

وإنه عندما كان وزيرا للتعليم جاءت امتحانات الثانوية العامة من خارج المقرر خاصة مادة النصوص
وكان رد الوزير علي الاعلام إنه عايز إبداع وإن الطالب يشغل الجمجمة

في حين إن عندهم مادة اسمها البلاغة هيه المسؤولة عن الموضوع ده أما النصوص فمادة يجب اختبار ما تمت دراستها من نصوص وليس نصوص غير مقررة وملغية

المهم بعد هذه الاحداث تم ترقيته ليصبح رئيس مجلس الأمة في بلد عربي

البلد العربي ده هو البلد اللي منه المغني الشعبي بتاع اغنية الدح ده
أيوه يافندم

كمان يافندم البلد العربي ده منه الراجل اللي اسمه محمود الخطيب اللي كان يرتدي فانلة رقم 10 اللي ورد اسمائهم في تقرير عن الحذاء ومدلول رقم 10 مقاس الحذاء

طيب قصدك إيه

واضح يافندم إن كل الخيوط تشير إلي تورط البلد العربي هذا في الموضوع

فكل الادلة تشير إليهم

عندها طلب الرئيس المحدوف بالحذاء خطة تقسيم تلك لبلد العربي لتتم دراستها للبت فيها في هذا الاجتماع

.....

وفي أثناء إحضار خطة تقسيم البلد العربي

تم الاتصال بالرئيس المحدوف بالحذاء

قال الرئيس المحدوف بالحذاء مين اللي عايزني في مثل هذا الوقت

قالوا له رئيس عربي وبيقول إن الموضوع مهم جدا

أخذ الرئيس السماعة أخذ يتحدث معه أكثر من 33 دقيقة ثم قال الرئيس المحدوف بالحذاء
THIS IS GOOD IDEA

ثم اغلق السماعة

تري من هو الرئيس العربي ؟
ماذا قال له؟
ما هي الفكرة الجيدة التي قال له عليها ؟
وما تأثيرها علي الاحداث ؟

هذا ما سنعرفه في المشهد القادم

انتهي المشهد الرابع

ليست هناك تعليقات:
Write التعليقات

شركاء في التغيير

مروا من هنا

Blog Archive

قائمة المدونات الإلكترونية