الأربعاء، 6 أكتوبر 2010

سلام يا صاحبي

سلام يا صاحبي

سلاحي انكسر

وأنا منتصر

احترت افرح زي ما قالوا لي

أم أزعل علي اللي انكسر

حاولت أفرح

لكني مليان ألم

ومن الحسرة بتعصر

سلام يا صاحبي

هو ده اللي قالوه لنا

ولكن فين السلام وكل يوم بيمر

والمر بيزيد طعمه  في حلقنا وعلي الشفايف

هو أنت شايف

أنا خايف

خايف يكون كله كان حلم

أيوه حلم

هو أنت شايف أي سلم

بعدما كانت القدس وفلسطين

اليوم بلاد كتير تحت خطة التقسيم

وكل ده لأننا يوم لما انكسر اللي انكسر

فرحنا وقلنا إننا بننتصر

سلام يا صاحبي













































ليست هناك تعليقات:
Write التعليقات

شركاء في التغيير

مروا من هنا

Blog Archive

قائمة المدونات الإلكترونية