السبت، 12 فبراير، 2011

شعب مصر قام

شعب مصر قام

أرجوكم كفاية بقي
أنا مش عايز اسمع حد يقول أصل أنا خايف
أو يقعد يمصمص في الشفايف
الثورة تمت والفرحة غمرت
والجد بدأ والعمل قد ابتدأ
أنا عايز اسمع من يقول
أنا اللي هازرع هنا
وأنا هانظف عندنا
وأنا اللي هاجيب الطوب اللي يلزم للبُنا
وأنا اللي هاعلم الناس حب العلم
وأنا اللي هامسح الجروح والألم
وأنا اللي هجيب حق اللي اتظلم
أنا عايز اسمع الفرحة والأمل
أنا عايز الكل يبدأ في العمل
أن عايز الشمس بكره لما تطلع
تتلخبط في المكان
وتقول هو أنا اتأخرت أكثر من الزمان
بالأمس كان هنا ناس تانية
معقولة اتغيروا في ثانية
إيه ده
عمل وأمل ونظام وانضباط
ورحمة وفرحة وضحك وانبساط
هو إيه اللي حصل
وكل يوم عايزها تقول نفس الكلام
وفي النهاية هاتعرف وحدها
إن شعب مصر قام
...........
إيهاب محروس
12 فبراير 2011

هناك 4 تعليقات:
Write التعليقات

About Me

صورتي
إيهاب محروس
التغيير هو تجميع لجهد وعرق الكثير من الاشخاص في زمن طويل وتلك خطواتي الصغيرة نحو التغيير
عرض الملف الشخصي الكامل الخاص بي

عدد الزوار

web traffic

شركاء في التغيير

Blog Archive

قائمة المدونات الإلكترونية