10 الآف جنيه

10000 جنيه

استيقظت من نومي العميق
في يوم من أيام التشاريق
قد غص بي الريق
حين أتاني صديق

مخنوق بالعبرة والدموع
قلت له إيه الموضوع
قال لي
إنت ماسمعتش ؟
قلت له لأ ما سمعتش
قال أنت عارف حالي من زمان
أذهب عملي في الصباح الباكر
وأرجع في آخر النهار
راضي بحالي ومبسوط
ومع بساطة الحال قدرت يوم ورا يوم
أعين قرشين لوقت اللزوم
قلت له تمام
قال لي نصحني واحد ابن حلال
أعنهم في البنك
البنك؟
قال لي نعم قال لي ماتخدش أرباح لو إنت حاسس إنها ربا وحرام
طيب وبعدين
وصل القرشين لحد عشرة الآف جنيه
وفي يوم من الايام
صحيت علي خبر بيقول
ان البنك الفلاني اتسرق
جريت بسرعة علي البنك
لقيت فيه ناس كثيرة
وجموع غفيرة
وسمعتهم بيقولوا
الحرامي اللي سرق البنك
ترك 10000 جنيه
قلت يابقي دول فلوسي
وجريت أدخل البنك الحق آخذ العشرة الآف جنيه بتوعي
لقيت كل الناس بتتخانق علي العشرة آلاف جنيه
والجمهور كل شوية يزيد
وطلب مدير البنك الشرطة
جت الشرطة لحل الورطة
وجلسوا جميعا يضعوا الافكار والخطط
لتقسيم العشرة الآف جنيه
وفي وسط الزحام والخناق
صوت زعق بعزم ما فيه
إحنا بنتخانق علي 10000 جنيه
ومابندورش علي اللي سرق البنك ؟؟؟؟