حريقة .... حريقة ... حريقة

حريقة حريقة حريقة

هل هذه هي الموضة في مصر الآن

هل هذا اسم فيلم جديد لممثل جديد من إياهم

أول حاجة ولعت في مصر الاسعار

ولعت ولم يحاول أحد إطفاء حريقة الاسعار اللي ولعت وكان الحجة دي أسعار عالمية

بعدها حرائق القطارات
يوم السبت الماضي 16- 8 -2008
ركبت القطار عربة 8 في قطار 930
العربة كانت زحمة جداً ولا أعرف السبب
ذهبت إلي كرسي 24 لاقيت واحد جالس عليه
قلت له لو سمحت كرسي 24 قال لي ممكن تجلس في كرسي 32 قلت أفضل أن أجلس مكاني وألا أقيم أحد من كرسي 32
وبعدين كل اللي ركبوا وجدوا أناس آخرين يجلسون علي كراسيهم ويرفضون أن يقوموا ليجسلوا أصحاب الكراسي
ليه يأخوانا ؟ سألنا
قالوا عربية تسعة ولعت وقالوا لنا إجلسوا في عربية ثمانية

جئت القاهرة لأجد حريقة بكين
100 فرد من شبابنا الواعد اتحرقوا في بكين باستثناء واحد ولا اتنين

وبعدها بيوم ولا يومين
حريق مجلس الشوري ومجلس الشعب وإلي هذه اللحظة لسة الحريقة شغالة ولسه بيطفو فيها
ياتري امتي هتنطفأ حرائق مصر والمصريين

"إنا لله وإنا إليه راجعون اللهم أجرنا في مصيبتنا وأخلفنا خيرا منها "