حباية فول فول فول فول فول
دكتور زغلول
خرج يوم بيقول
إنه اكتشف سر خطير
السر بيقول
إن الفول به مضاد للاكتئاب
خرج السر في كتاب
وقع الكتاب في يد الحكومة
حصل إجتماع
حضر الوزراء والمستشارين
جلسوا مستمعين
وبعدين ماذا نفعل ؟
قال الكبير
رد الوزير
لازم نسحب الفول من السوق
قبل ما الناس تفوق
نبيعه في السوق السوداء
أو حتي لبلاد بعيده
رد وزير كان نايم
هو في إيه
قالوا اخرس الوضع خطير
قال إيه اللي ممكن نبيعه لبلاد بعيدة
قالوا الفول
قال الفول طيب ليه ؟
قالوا به مضاد الاكتئاب
قال آه
عشان كده الحيوانات في البلاد البعيدة سعيدة
لا تثور لانهم بيأكلوهم فول
وعشان كده مهما فعلنا باولاد ال...
دايما صابرين
قالوا ايوه لازم نعمل حاجه
ونستفيد أكبر استفاده
قالوا نسحب الفول مالسوق ولكن؟
ظهرت مشكلة
البلاد اللي حنبيع لها الفول
لا تعاني من الاكتئاب
قال وزير آخر
خلاص نورح نعمل هناك حكومة
نجيب لهم اكتئاب
ونبيع لهم الفول
صدق علي الخطة الكبير
وبدأت مرحلة التنفيذ
صحي الناس من النوم لم يلاقوا ولاحباية فول واحدة في السوق
بدأوا يشعروا بالاكتئاب
حتي الفول مش موجود
!!!!!!!!!!!!!!!!!
ليست هناك تعليقات:
Write التعليقات