الأحد، 15 فبراير 2009

إعلانات عصر التهجيص

إعلانات عصر التهجيص

من علامات الإفلاس الفكري والتخبط وعدم القدرة علي مواجهة المرحلة المقبلة التي تشهدها البشرية هي هذه الإعلانات
اليوم تمر الحضارة البشرية بمنعطف لا أقول خطير بل أقول جديد وسيكون تاريخ البشر الماضي كله بالنسبة للقادم لا شيئ
فتلك مرحلة أخري من مراحل النمو والنضج البشري
هناك من علم تلك المرحلة وتنبأ بها وهناك من يزال يغط في نوم عميق
سمي هذه المرحلة ألفين توفلر بالموجة الثالثة وهي تسمية لها مدلولاتها
تعالوا نلحظ حالة الافلاس والتخبط من زاوية واحدة وواحدة فقط ألا وهي زاوية الاعلانات التجارية التي تحاول تدافع باستماته عن الموجة الثانية

1- تسمع دكتور لابس بالطو أبيض يقولك إنه بيصدع طيب ما أحنا عارفين إن الكل بيصدع ، هو فيه حد مش مصدع اليومين دول ، لأ خد عندك هذا لما بيصدع بيتناول ( تتا تربتا تو) حبوب للصداع ويقول في آخر الاعلان ولأنها بتفيدني شو قد إيه راح تفيدك ، ياسلام طالما هو دكتوروبتفيده حبوب تتا تربتا تو يبقي احنا لازم تفيدنا أكثر ،
2- إعلان تاني يقولك طعم جديد إيه الطعم الجديد زودنا الشطة ، ياولد زودوا الشطة فبقي طعم جديد
3- وتاني يقولك برجر للي يقدر ، طبعا مش لاقين حد يقدر
4- واللي يقولك خليك راجل واشرب زفت ، أو استرجل واشرب زفت ، يعني اللي مابيشربوش زفت مش رجالة
5- والتاني يقولك الكل بيتكلم أرضي ، بصراحة أنا كنت فاكر إن الكل بيتكلم عربي أو الارض بتتكلم عربي طلعت بتتكلم أرضي

بصراحة الاعلانات اليومين دول بتفكرني بأبو لمعة لما أراد ( وهو راكب مركب ) أن يختفي من الاعداء راح كاتب علي المركب غواصة راحت غطسة في الماء علي طول واستخبي من الاعداء

ليست هناك تعليقات:
Write التعليقات

شركاء في التغيير

مروا من هنا

Blog Archive

قائمة المدونات الإلكترونية