إيهاب محروس بائع كتب !!

إيهاب محروس بائع كتب

هذا إقتراح زوجتي أن أجعل مهنتي بيع الكتب وذلك لأنه كلما أرادت تنظيف الشقة أزعجها بعض الكراتين التي تقبع أسفل السرير ، حيث أنها لا يوجد لها مكان غير ذلك
ذكرت هذه القصة  لأحد أصحابي بأن زوجتي تريد مني أن أبيع كتب ضحك وقال لي فكرة عملية جداً
وكان الدافع لزوجتي هو التخلص من هذه الكتب ودوشتها اللي موجودة في كل مكان ، أنا أبيع الكتب والكتب والحمد لله موجودة يعني البضاعة حاضرة ومافيش أي مشكلة
توكلنا علي الله ، تخيلت نفسي وأن فاتح دكان وببيع الكتب

زبون : سلام عليكم
إيهاب : وعليكم السلام ورحمة الله وبركاته
الزبون : عندك كتاب في السحر الاسود
إيهاب : السحر الاسود ، السحر حرام والرسول صلي الله عليه وسلم قال اقتلوا الساحر
الزبون : إنت مالك أنت إنت تبيع وخلاص عندك ولا لأ
إيهاب : لا حول ولا قوة إلا بالله لأ ياسيدي مش موجود
..........
زبون : هاي عندكم كتاب آخر روشنة وإزاي أعجب البنات
إيهاب : وعليكم الهاي يقع ويكسركم ، استرجل يابني ، مش أنت راجل برضه ولا      لمؤاخذه
الزبون : ولا لمؤاخذه سم كده إنت مالك أنت راجل أنا ولا مش راجل عندك كتاب اسم إيه دوه
إيهاب : كتاب إيه
الزبون : كتاب إزاي أعجب البنات
إيهاب : هو فيه كتاب اسمه إزاي أعجب البنات
الزبون : أيوه أكيد مش فيه كتاب إزاي السنارة تغمز للبنات ، يبقي
لازم فيه كتاب إزاي أعجب البنات للشباب
إيهاب : إيه رأيك تأخذ كتاب حتي لاتنضرب علي قفاك
الزبون : كبه إيه ده ، سم كده
إيهاب : لا حول ولا قوة إلا بالله
....................

زبون : السلام عليكم يا أخي
إيهاب : وعليكم السلام ورحمة الله وبركاته
الزبون : عند كتاب عن الجن وكيفية إخراجه من الملبوس
إيهاب : هي ناقصة عفاريت ، لأ والله مفيش كتب عن العفاريت وكيفية إخراجها
الزبون : طيب هاعمل إيه دلوقتي
إيهاب : في إيه
الزبون : أنا قلت للناس إني باعرف أخرج العفاريت وهيجيبولي وحدة ست راكبها عفريت
إيهاب : الله معك
.............


زبون : سلام عليكم أنا عايز مصحف
إيهاب : أي نوع قطع كبير أم غير ذلك
الزبون : أيوه مثل هذا كده بكام هذا
إيهاب : هذا وهبته 5 جنيه
الزبون : ليه 5 جنيه مش كتير كده
إيهاب : خلاص أتفضل حضرتك واعتبره هديه من المكتبة
الزبون : متشكر جدا سلام عليكم
إيهاب : وعليكم السلام ورحمة الله وبركاته
........................


زبون : سلام عليكم ما عندكش كتاب بيقول إن الربا حلال
إيهاب : بيقول الربا حلال إزاي وربنا حرمه والرسول صلي الله عليه وسلم
الزبون : قصدي البنوك يا أخي والفائدة
إيهاب : لا ما عنديش كتب بتقول كده
الزبون : طيب ما تعرفش ألاقيه فين
إيهاب : لا حول ولا قوة إلا بالله لأ

.....................


زبون : سلام عليكم ما عندكش كتاب عن إزاي ت ...
إيهاب : وعليكم السلام إزاي ت .. إيه
الزبون : إزاي ت .. يعني
إيهاب : مش فاهم منك حاجه خالص
الزبون : أصل أنا عريس جديد ومش عارف
إيهاب : تقصد كتاب مثل تحفة العروس
الزبون : لأ ده عندي وبرضه مش عارف
إيهاب : طيب أجيب لك إيه تاني
الزبون : كتاب يكون فيه صور وكده يعني ويكون فيه وصفات
إيهاب : لأ ما عنديش
...........


زبون : سلام عليكم
إيهاب : وعليكم السلام
الزبون : لو سمحت كل ما أريد أن أقرأ أشعر بالنوم والنعاس عايز كتاب يخليني صاحي ومصحصح
إيهاب : زي إيه كده
الزبون : كتاب أعمل به دماغ عاليه
إيهاب : كتاب يخليك تعمل دماغ
الزبون : أيوه مش الولاد في الامتحانات بتعمل من الكتب براشيم
إيهاب: لا حول ولا قوة إلا بالله
.............


زبون : لو سمحت عايزة كتاب عن الطبخ وياسلام لو كتاب الشيف عبده كفته
إيهاب : للأسف لا نبيع كتب عن الطبخ
الزبونة : أمال بتبيوعوا كتب إيه بقي لما ما عندكوش كتب طبخ

......


زبون : كنت عايز كتاب عن تسخين النفس
إيهاب : تقصد تحفيز الذات
الزبون : أيوه كتاب يخليني أشعر أني جدع وهاكسر الدنيا بس يسيبوني
إيهاب : يسيبوك تعمل إيه
الزبون : هما مش هيسبوني ولا حاجة بس لما أقرأه أشعر أن العيب مش في العيب إنهم لم يسيبوني أعمل اللي أنا عايزه
إيهاب : لا بصراحة كتب التسخين هذه بنبعها في الشتاء بس


..............

إيهاب ياتري أنا هانفع أبيع كتب ؟