اللي يخاف من عفريت يطلع له

اللي يخاف من عفريت يطلع له

منذ فترة جاء بذهني سؤال غريب قوي قلت في نفسي ياواد يا إيهاب إنت باسم الله ما شاء الله منذ فترة طويلة وإنت ما فيش حاجة تقرأها وتجد صعوبة في فهمها سواء من حيث اللغة أو المعني و يادوب مخلصتش الخاطر ده وكان يوم خميس واخترت كتاب أقرأه كالعادة ووقع في إيدي كتاب عوليس لجيمس جويس


ودخلت القطار وبدأت أقرأ وعينك ما تشوفش إلا النور ولما تعثرت في التقدم في القراءة وجدت إن الرواية صعبة فعلا وإن الترجمة مش كاملة وبعدها رجعت الكتاب وأخذت فلوسي

طيب لو الموضوع كده بصحيح يعني اللي يخاف من عفريت يطلع له ، طيب تعالوا نجرب نبطل نخاف ونحب بدل الخوف


يعني اللي يحب حورية هتطلع له ولا لأ؟


جربت موضوع عكس المثل علي رأي أخوانا المنطقيين ووجدت النتيجة مذهلة


كلما منيت نفسك بالنجاح والسعادة والتفوق والريادة وكل ما هو جميل وحسن فعلا تجد يصيبك منه علي قدر ما وطنت نفسك له


وبعد برهة من التفكير وجدت إننا نفهم المثل الاصلي خطأ ومنه لله السبب في ذلك


المثل بيقول اللي يخاف من عفريت يطلع له ، يعني لما تخاف من عفريت أطلع أنت للعفريت وهو هيجري علي طول ، مش العفريت اللي هايطلع لك


وكأننا قلبنا المثل


ومن بعدها وأنا بقيت ما بخفاش من حاجة بل بحب كل حاجة والحمد لله بتطلع لي


انتبه ساعات الحاجات الحلوة بتتخأر شوية
إنت عارف بقي زحمة كوبري ستة أكتوبر